સંવેદના

Tuesday, November 9, 2010

જિંદગી જાણે કેટલા વળાંક આપે છે,
દરેક વળાંક પર નવા સવાલ આપે છે,
શોધતા રહીએ આપણે જવાબ જિંદગી ભર,
જવાબ મળે તો જિંદગી સવાલ બદલી નાખે છે.

પ્રેમ શું છે એ ના પૂછો તો સારું,
સાચવો તો અમૃત છે, પીવો તો ઝેર છે,
હર રાત એક મીઠો ઉજાગરો છે,
આંખ અને નીંદર ને સામ-સામે વેર છે.
“આનું નામ જ પ્રેમ છે”

જોઈ એક ઝલક એમની અને નસીબ સમજી બેઠા,
આંખોની એક ચમકને પ્રેમ સમજી બેઠા,
યાદમાં એમની કર્યા છે આ રસ્તા ભીના,
ને પાગલ લોકો એને વરસાદ સમજી બેઠા.

કૈંક જીવનની સાદગી મને નડે છે,
કૈંક આંસુના પલકારા મને નડે છે,
જીવન જીવવામાં તો હવે કોઈ રસ નથી
કોઈની સાથે કરેલ વચનો હવે નડે છે.

જીવનમાં તારા વગર કઈ નથી,
તારા પ્રેમ વગર મારો પ્રેમ કઈ નથી,
હું વિચારમાં ખોવાયો છું તારા,
કે મારા વિચાર તારી યાદ વગર કઈ નથી

સપનામાં કરેલી વાતો યાદ આવે છે,
ખુદા ને કરેલી ફરિયાદો યાદ આવે છે,
ફક્ત તારા સંગ જીવન મહેકતું હતું મારું
સાથે તારા વિતાવેલી પળો યાદ આવે છે.

મુજને મરણ મળે તો એવું મળે કે
અંતિમ સમયે તારું સ્મરણ રહે
હું ક્યાં કહું છું કે મને આખું જીવન મળે
પણ તારા મિલન માટે એકાદ ક્ષણ મળે.