Tuesday, January 18, 2011

હવે પ્રેમમાં કંઈકતો આગળ મોકલ..!


તારા સંદેશામાં કાળું વાદળ મોકલ…
કે હું જાતે ઉકેલીશ કોરો કાગળ મોકલ…
તારી રાહમાં સમંદર ઉલેચી નાખ્યો,
હવે તારી આંખમાંથી થોડું કાજળ મોકલ…
તારા સમ હું એને સાચવીશ જીવ જેમ,
તું વહેલી પરોઢનું ઝાકળ મોકલ…
રણમાં ભટકતા આ તરસ્યાની માટે,
તું ખોબો ભરીને મૃગજળ મોકલ….
અમે આંખોમાં ખૂબ-ખૂબ વાંચ્યું પ્રિયે,
હવે પ્રેમમાં કંઈકતો આગળ મોકલ…।


Tapan Patel.

Friday, January 14, 2011

પતંગ...!!!1




પતંગનો ઓચ્છવ
એ બીજું કંઈ નથી, પણ
મનુષ્યના ઉમળકાઓનો છે ઘૂઘવતો વૈભવ !

નભની ઊંડીઊંડી ઉદાસીઓને લૂછવા
નભની ભડભડતી એકલતા ભૂંસવા
આજે આ કોરાકટ આકાશ માં

ઉંમગના રંગોમાં ઝબકોળી-ઝબકોળી
પ્રીતિની પીંછી ફેરવતા
પતંગ

જાણે એં મારા સપના ના રંગો
જાણે એં મારા મન ના તરંગો
જાણે એં મારા પ્રેમ ની છબી

પતંગ પર લખ્યો
મેં એક સંદેશો
જે પહોચે મારા પીહુ પાસે
મારા મન ની એ પ્રીત પહોચે
આ પતંગ સાથે