Friday, December 31, 2010

તારી ને મારી વાત...!!!!




શબ્દોમાં ક્યાં સમાય છે તારી ને મારી વાત ?
અર્થોમાં ક્યાં ચણાય છે તારી ને મારી વાત
છલકાતી ચાંદનીમાં ઉતારી બધાં વસન,
ચંચળ બનીને ન્હાય છે તારી ને મારી વાત.
અવકાશમાં નિ:શ્વાસ બનીને ઘૂમી ઘૂમી-
એકાંતમાં પછડાય છે તારી ને મારી વાત.
આવી અતીતની આંગળી પકડીને આંખમાં
આંસુ મહીં ભીંજાય છે તારી ને મારી વાત.
રણ ખાલી-ખાલી આભ તળે એકલું નથી,
થઇ થઇ તરસ વિંઝાય છે તારી ને મારી વાત.
એની અવર-જવર છતાં ઉંબર નહીં ઘસાય ?
આવે ને પાછી જાય છે તારી ને મારી વાત.
રસ્તાની જેમ કાળ ખૂટે ક્યાં કે બેસીએ !
સપનાંનો ભાર થાય છે તારી ને મારી વાત.

1 comment:

  1. Ohhh my GOD!

    Palak aapki ye rachna "manbhavan" hai sach mein...aapke ehsaash...aapki tasveer ki choice...sab kuchh ekdushare ki "shobha" badhate hai..... ISHAWR aapko eisi prerna humesha deta rahein.....yehi ummid ke saath aap ko "Happy New Year 2011"....

    ReplyDelete

thanks for ur valuable comment